Michelle Dee
Gipaakan sa nawong ang Kapuso actress ug beauty queen sa iyang gigam o pet nga iro.
Gishare sa daga sa iyang Instagram account ang maong insidente apil na ang black and white selfie photo niya.
Basaha Pod Ni: Michelle Dee nakagat sa mukha ng alagang aso; DOH muling nag-warning
Makit-an sa maong litrato ang nawong sa Kapuso star nga dunay gauze pad sa ilawom nga tuo nga bahin sa mata ug apil na sa duol sa iyang baba.
Sa usa niya ka lain nga post sa IG, matan-aw ang short video diin ningadto siya sa usa ka clinic para magpatambal sa mga pinaakan nga naangkon niya sa iyang pet dog.
“No matter how much we love your furbabies, never underestimate dog bite! Act (quickly),” mao ni ang gibutang nga caption ni Michelle sa iyang IG post.
Basaha Pod Ni: Love Your Pet Day: Celebrating our furbabies
Matud pa sa aktres ug singer sa usa pa niya ka IG Story post nga, “My unexpected Tuesday plot twist. Sa mukha ko pa talaga.”
Sa niagi lang nga buwan, duha ang narecord nga namatay tungod sa rabies infection. Ang una kay ang lalaki nga napaakan sa iro ug namatay human sa siyam ka buwan ug ang ikaduha kay ang babaye nga napaakan pod sa iro duha kabuwan na ang nilabay.
Sa 2024 kay nakarecord ang DOH ug 426 rabies-related deaths. Mao diay nga gibalikbalik gyod sa maong ahensiya sa pagpahinumdum nga bakunahan ang mga gigam nga mga hayop o mga pets.
Basaha Pod Ni: Michelle Dee shocked sa pag-unfollow ni Chelsea Manalo: I was clueless!
Kung pananglitan mapaakan og iro, hugasan dayon ang apektadong parte sa lawas og limpyo nga tubig, sabunan dayon ug banlawan dayon ang gisabunan nga parte. Human niini kay moadto dayon sa pinakaduol nga health center o sa Animal Bite Treatment Center.
Pwede sad nimo ilocate ang mga Animal Bite Treatment Centers sa tibuok Pilipinas didto sa listahan sa Department of Health.